Kaixo Scratcheroak!
Gaur definitu ditugu gure taldeak. Izena eta guzti eman dizkiegu.
ATERROPIXTAK - 6Cko 6 ikaslek osatua
SCRATCH KIDS - 5Eko 6 ikaslek osatua
BEKOAK - 6Bko 5 ikaslek osatua
FLYING & DRIVING - 6D eta 6Eko 6 ikaslek osatua
Gogoratu ez gaudela gure artean lehian, danon artean ikasten ari gara. Norbaitek asmatzen badu truko berriren bat, kideekin partekatu behar du.
Bestalde, joan beharko gara pentsatzen zer nolako lanak egin nahi izango ditugun. Aurkezpena, jolasa eta aplikazio erreala komuneko gaia eta itxura izatea komeni da, beraz luze pentsatu beharko duzue, ok?
Kaixo Scratcheroak!
Dagoeneko 20 pertsona izena eman dute Scratch Egunaren formularioan. Aste honetan martxan hasiko gara eta Scratch Eguna antolatzen, eta proiektuaren berriak jasoko dituzue: taldeak osotu, ideiak eman, lana banatu eta prozedurak azaldu...
Egon lasai eta pilak kargatu arin hasiko gara eta...
Datorren astean Scratch Eguna prestatzen hasiko gara. Ikastolak gelatxo bat eskeiniko digu gure netbookerik abiatzeko eta bertan, errekreo orduetan, Scratch erabiltzeko aukera izango dugu.
Scratch Egunean parte hartu nahi baduzue, lehenik eta behin scratcheatzen hasi beharko gara gure abileziak trebatzeko.
Horretarako programa desberdinak nola funtzionatzen duten ikasi behar da, kodigoa irakurri behar dugu eta gero gauza desberdinak egiten saiatu behar gara: pilota baten errebotea, objektuen arteko interakzioa...
Ez ahaztu Sacratch Egunean Legoren WeDo-arekin aplikazio erreal bat ere eraiki behar dugula, eta beraz, Legorekin ere gogor aritu behar gara mekanismo sinpleak sortzen ikasteko.
Diseinatzeko gaitasuna ere garatu behar dugu, objektuak eta agertokiak politagoak izateko. Soinuak nola sartzen diren ere ikasi behar dugu, ez bakarrik Scratchen tresnaren bitartez baizik eta bestelakoekin: Audacity...
Scratch Egunean aurkeztu behar diren lan guztiak ez dira digitalak izango. Derrigorrezko lanen barruan poster bat egin beharra dago. Beraz multimedian aditua den pertsona batzuk ere beharrezkoa izango dira, eta baita plastikan trebea den norbait. WeDo-arekin egiten denaren ingurua apaindu behar baita.
Dan-danok ez gara alor guztietan adituak izan behar. Ez ahaztu Scratch Egunean parte hartzeko talde bat osotu behar dugula. Talde lana da garrantzitsuena! Taldeek 5 edo 6 partehartzaile izan beharko dituzte eta taldeka bete beharko dira zenbait lan. Taldeen moldaketaz ez arduratu gure artean egingo ditugu eta, baina hasteko jakin behar da zenbat pertsona dauden interesatuta, Konforme?
Zuen burua proiektu honetan partehartzeko prest ikusten baduzue bete ezazue Formularioa eta laister berriak jasoko dituzue.
Animatu zaitezte eta zalantzak badituzue iruzkinetan idatzi!!
Gaur blog berri bat zabaltzen dugu Lauron. Scratch Eroak du izena. Scratch ero eta Scratcher kontzeptuak lotu nahi izan ditugu eta horregaitik jarri nahi izan diogu izen hau.
Webgune honetan Scratch-ari buruzko berriak, zalantzak eta gogoetak aurkituko dituzu.
Laster gure inguruan Scratch Day bat ospatuko da. Ez badakizu zer den webgunean hainbat info topa dezakezu. Scratch Eguna izenarekin antolatzen ari den jardunaldi bat da. Oraindi, badirudi, kokalekua ez dagoela oso argi baina badakigu maiatzaren 21ean izango dela. Oraindik denbora izan arren lan pilo bat egin behar da proiektuak aurrera eramateko beraz txiri-txiri hasi beharko gara.
Laurotik ikasle talde bi eraman nahi ditugu; botgarren mailatik bat eta seigarren mailatik beste bat. Beraz adi egon beharko gara ia zer nolako beharrak bidaltzen dizkiguten antolakuntzatik, behar bezala egiteko eta Scratch Eguna-n aurkezteko.
Bueno... lehenengo sarrera izateko ez dago txarto. Iruzkinetan zuen zalantzak jartzen joan eta saiatuko naiz erantzuten ok?
Ez ahaztu Scratch Egunara joateko bene-benetako scratcheroak izan beharko zaretela!!
